“ਸੁਣਿਆ ਰਾਗੀ ਜੀ ਹੁਣ ਈ-ਰਿਕਸ਼ਾ ਚਲਾਉਂਦੇ ਹੋ?”ਜਗਤਾਰ ਨੇ ਪੁੱਛਿਆ। “ਹਾਂ, ਸਵੇਰੇ ਹਾਜ਼ਰੀ ਭਰਨ ਤੋਂ ਬਾਅਦ ਈ-ਰਿਕਸ਼ਾ ਚਲਾਉਂਦੇ ਹਾਂ ਤੇ ਸ਼ਾਮ ਨੂੰ ਕੀਰਤਨ ਕਰਦੇ ਹਾਂ ।” “ਫਿਰ ਗੁਰਦੁਆਰੇ ਦੀ ਤਨਖਾਹ?” “ਛੱਡ ਦਿੱਤੀ।” “ਕਿਉਂ?” “ਪ੍ਰਬੰਧਕ ਕਹਿੰਦੇ ਸੀ, ਜੇ ਸਾਡੀ ਗੱਲ ਨਹੀਂ ਮੰਨਣੀ ਤਾਂ ਸਾਡੇ ਕੋਲੋਂ ਤਨਖਾਹ ਵੀ ਨਾ ਲੈ।” ਜਗਤਾਰ ਹੱਸ ਪਿਆ,“ਫਿਰ ਘਰ ਕਿਵੇਂ ਚੱਲਦਾ?” ਰਾਗੀ ਸਿੰਘ ਨੇ ਮੁਸਕਰਾ ਕੇ ਕਿਹਾ,“ਕੰਮ ਕੋਈ ਵੱਡਾ-ਛੋਟਾ ਨਹੀਂ ਹੁੰਦਾ। ਹੁਣ ਰੋਟੀ ਆਪਣੀ ਕਿਰਤ ਤੋਂ ਆਉਂਦੀ ਹੈ, ਇਸ ਲਈ ਕਿਸੇ ਦੀ ਗੁਲਾਮੀ ਵੀ ਨਹੀਂ ਕਰਨੀ ਪੈਂਦੀ।” “ਪਰ ਰਾਗੀ ਬਣਨ ਦਾ ਸੁਪਨਾ ਲੈ ਕੇ ਬੈਠੇ ਨੌਜਵਾਨ ਕੀ ਕਰਨ?” “ਉਹੀ ਜੋ ਅੱਜ ਕਈ ਪੜ੍ਹੇ-ਲਿਖੇ ਨੌਜਵਾਨ ਕਰ ਰਹੇ ਨੇ...