“ਹਰ ਔਰਤ ਵੇਸ਼ਵਾ ਨਹੀਂ ਹੁੰਦੀ, ਪਰ ਹਰ ਵੇਸ਼ਵਾ ਔਰਤ ਹੁੰਦੀ ਹੈ।” ਇੱਕ ਬਜ਼ੁਰਗ ਨੇ ਪੁਰਾਣੀ ਕਹਾਵਤ ਦੁਹਰਾਈ। ਨਾਲ ਬੈਠੇ ਨੌਜਵਾਨ ਨੇ ਕਿਹਾ,“ਬਾਬਾ ਜੀ, ਇਹ ਗੱਲ ਆਪਣੇ ਸਮੇਂ ਵਿੱਚ ਸ਼ਾਇਦ ਠੀਕ ਲੱਗਦੀ ਹੋਵੇ। ਅੱਜ ਤਾਂ ਕਹਾਣੀ ਕੁਝ ਹੋਰ ਹੈ।” “ਕਿਵੇਂ?” “ਅੱਜ ਸਿਰਫ਼ ਔਰਤ ਹੀ ਵਿਕਦੀ ਨਹੀਂ, ਪੁਰਸ਼ ਵੀ ਵਿਕਦਾ ਹੈ। ਕਈ ਵਾਰ ਪੈਸੇ ਲਈ, ਕਈ ਵਾਰ ਸ਼ੌਕ ਲਈ, ਕਈ ਵਾਰ ਆਪਣੀ ਦੇਹ ਜਾਂ ਸਾਥ ਦਾ ਸੌਦਾ ਕਰਦਾ ਹੈ। ਤੇ ਕਈ ਵਾਰ ਤਾਂ ਮਰਦ ਭੋਗੀ ਨਹੀਂ, ਭੁਗਤਭੋਗੀ ਹੁੰਦਾ ਹੈ।” ਬਜ਼ੁਰਗ ਚੁੱਪ ਹੋ ਗਿਆ। ਨੌਜਵਾਨ ਨੇ ਗੁਰਬਾਣੀ ਦੀ ਪੰਕਤੀ ਯਾਦ ਕਰਵਾਈ : “ਰੰਨਾ ਹੋਈਆ ਬੋਧੀਆ ਪੁਰਸ ਹੋਏ ਸਈਆਦ ॥ਸੀਲੁ ਸੰਜਮੁ ਸੁਚ ਭੰਨੀ ਖਾਣਾ ਖਾਜੁ ਅਹਾਜੁ ॥” ਫਿਰ ਬੋਲਿਆ...