ਡਿਸਕਵਰੀ ਚੈਨਲ 'ਤੇ ਇੱਕ ਪ੍ਰੋਗ੍ਰਾਮ ਵੇਖਦਾ ਹੋਇਆ ਹਰਕੀਰਤ ਸਿੰਘ ਰੋਣ ਲਗ ਪਿਆ ! (ਨਾਲ ਹੀ ਬੈਠੇ ਉਸ ਦੇ ਬੱਚੇ ਹਰਜਸ ਸਿੰਘ ਅੱਤੇ ਪ੍ਰਭਜਸ ਕੌਰ ਇੱਕਦਮ ਹੈਰਾਨ ਹੋ ਕੇ ਉਸ ਵੱਲ ਵੇਖਣ ਲੱਗੇ)ਪ੍ਰਭਜਸ ਕੌਰ : ਪਾਪਾ ਤੁਸੀਂ ਅਚਾਨਕ ਹੀ ਰੋਣ ਕਿਓਂ ਲੱਗੇ ? ਜੋ ਪ੍ਰੋਗ੍ਰਾਮ ਤੁਸੀਂ ਵੇਖ ਰਹੇ ਸੀ, ਓਹੀ ਤਾਂ ਅਸੀਂ ਵੀ ਵੇਖ ਰਹੇ ਸਾਂ ! ਉਸ ਵਿੱਚ ਤਾਂ ਅਜੇਹੀ ਕੋਈ ਗੱਲ ਨਹੀਂ ਸੀ ਰੋਣ ਵਾਲੀ ! ਸਭ ਠੀਕ ਤਾਂ ਹੈ ਨਾ ? ਹਰਕੀਰਤ ਸਿੰਘ (ਅੱਖਾਂ ਪੂੰਝਦਾ ਹੋਇਆ) : ਪੁੱਤਰ ! ਇਸ ਪ੍ਰੋਗ੍ਰਾਮ ਦੇ ਪਹਿਲੇ ਦ੍ਰਿਸ਼ ਵਿੱਚ ਇਨ੍ਹਾਂ ਟੀ.ਵੀ. ਵਾਲੇਆਂ ਨੇ ਇੱਕ ਵੱਡੇ ਭਾਂਡੇ ਵਿੱਚ ਕੁਝ ਕੇਕੜੇ ਰੱਖੇ ਸਨ, ਭਾਂਡਾ ਵੀ ਜਿਆਦਾ ਉੱਚਾ ਨਹੀਂ ਸੀ ਪਰ ਕੋਈ ਵੀ ਕੇਕੜਾ ਉਸ ਭਾਂਡੇ...